四月嘅第一日愚人節，
我已預先收咗份最愚人的禮物。
四月最後一日勞動節前夕,預咗係另一個衆人皆喜我獨愁嘅一日，果然連嗰幾十蚊嘅調整都冇我份，擺明係屈我白勞動。不過當周圍嘅人談論紧加幾多陣，我已經可以唔畀自己嘅情緖爲之激動喇。
偏偏其中個有份吸我血汗錢嘅龜孫竟然行咗入地牢，冤家路窄，當堂想吐啖口水落佢嘅面到，好彩佢走得快啫。但係好似注定咿一日唔畀我平心靜氣咁度過。
繼續落來，
我旁邊嘅混蛋又將本來平平靜靜，輕輕鬆鬆嘅狀況攪到不知所爲、害大家一團糟，仲咿邊唔知嗰邊事，最撞火嘅係佢只顧住埋怨樓上嘅人，而應做嘅事，應通知嘅嘢都冇做，我忍住忍住嗰枕火終於又颷返上去，開口頂返佢幾句，話之佢係師兄又點？點知佢仲繼續話係樓上所害嘅！真係不可理喩！
食完飯條氣本來已順返，返入地牢另一班人又另一輪不清不楚嘅交接，又係將責任推來推去。越睇越唸我就越火滾，次次同咁嘅人共事，眼白白睇住佢哋唔會好得我幾多，點解偏偏嚟啲人又冇被列入黑名單呢？點解佢哋又可以享受我被剥削嘅血汗錢呢？憑乜我一個人要捱西北風呢？
令我怒髮沖冠的四月過去了，留下無窮嘅憤慨及心灰。繼續要行嘅路仲好長，爲咗口飯我暫時仲要繼續忍住。。。
別了，惱人的四月，五月是否會更好？
No comments:
Post a Comment